طرق لتفتيح البشرة لطيفة وأمنة

طرق لتفتيح البشرة لطيفة وأمنة

--------------------------------------------------------------------------------

«®°·.¸.•°°·.¸¸.•°°·.¸.•°®»بسم الله الرحمن الرحيم
اللهم صل على محمد وعلى آله وصحبه أجمعين«®°·.¸.•°°·.¸¸.•°°·.¸.•°®»

كل ما بافتح التليفزيون ألاقي إعلان عن الكريم الفلاني والكريم العلاني لتفتيح البشرة وتطلع البنت فى الإعلان بيضاء زي القشطة، وطبعا لو حد سألها هتقول إن السبب يرجع لكريم كذا أو كذا...

ولأن كل بنت بتحلم إن بشرتها تبقى ناعمة وبيضاء احنا عملنا العدد ده مخصوص عن طريقة تفتيح البشرة وعلاج الهالات السوداء، بس من غير أي كريمات خالص علشان تقدري تفتحي بشرتك بطريقة لطيفة وآمنة.... يلاّ معانا... تابعي العدد ده...

هاقولها ورزقي على الله

فيه حقيقة الكتير منا مايعرفوهاش وأنا من موقعي هذا هاقولها لكم ورزقي على الله...

يا جماعة كريمات تفتيح البشرة مضرة جداً.. جداً.. جداً... هتقولوا ليه..؟!!

لما بنستخدم كريمات التفتيح هي آه بتفتح البشرة وبتخليها فعلاً بيضاء.. وده لأنها بتحتوي على مادة "الهايدروكينون"، والمادة دي بتعمل على وقف إنتاج (الميلانين) اللي هي المادة الموجودة داخل الجلد اللي بتؤدي إلى سمار الجلد...

طيب إيه المشكلة؟؟!

صحيح الكريمات دي بتفتح البشرة، بس برضه الكريمات دي لما بتضعيها وتتعرضي للشمس على طول بتكون النتيجة عكسية لأنها بتؤدي إلى زيادة اسمرار البشرة، وطبعاً إنت بتفتكري إنك بتستخدمي الكريم بكمية مش كافية، فبالتالي إنت بتسخدميه أكتر وأكتر، ومع زيادة استخدامها لمدة طويلة هتكون النتيجة... حدوث آلام في الجلد وظهور البقع الداكنة، مع احتمال -لاقدر الله- الإصابة بسرطان الجلد بسبب امتصاص الجلد لهذه المادة الموجودة في هذه الكريمات...

طب والحل؟!!

هاقول لك على شوية وصفات إنما جنان ومجربة لتفتيح البشرة من غير لا آلام ولا أمراض ربنا يكفيكم شرها...

ماسكات تفتيح البشرة

علشان التحذير اللي قلناه من كريمات تفتيح البشرة هنقول لك على شوية ماسكات طبيعية بتساعد على تفتيح البشرة وهي:

أولا: ماسك اللوز

المكونات:
لوز مطحون.
بياض بيضة.
نصف ليمونة.

الطريقة:
• انقعي اللوز في الماء حتى تستطيعي نزع القشرة منه.
• اطحني اللوز المقشر في الخلاط حتى يصبح بودرة.
• اخلطي اللوز المطحون مع بياض البيضة مع نصف الليمونة حتى تتجانس مع بعضها البعض.
• ثم ضعي الخليط على وجهك لمدة 20 دقيقة وقومي بغسل وجهك بماء دافئ ثم ماء بارد بعد ذلك.
• كرري هذه العملية كل يوم وسوف ترين الفرق.

ثانياً: ماسك الموز

المكونات:
موز.
ونصف كوب من اللبن.

الطريقة:
• تهرس الموزة.
• ويوضع عليها اللبن ويخلط جيداً.
• يوزع الخليط على البشرة مع التركيز على الأماكن الغامقة في البشرة.
• يترك لمدة ربع ساعة ثم تغسلين الوجه بالماء، بس المياه تكون فاترة.
• الماسك ده مش بيبيض الوجه بس لأ وكمان بيكسبه نعومة وحيوية ليس لها مثيل.

ثالثاً: ماسك البطاطس

المكونات:
ثمرة بطاطس.
لبن حليب.

الطريقة:
• اسلقي البطاطس واهرسيها.
• اخلطي البطاطس المهروسة مع اللبن وياريت في الخلاط لغاية ما تبقى ناعمة.
• ضعي الخليط على وجهك واتركيه لمدة نصف ساعة حتى ينشف، ثم اغسلي وجهك بالماء الدافئ ثم بالماء البارد... علشان غسيل الوجه بالماء البارد ثم الدافئ بيعطي للبشرة انتعاشا.
• جربي المسك ده مرة كل أسبوع وسوف تلاحظين الفرق.

رابعاً: ماسك الزبادي والليمون

من أكتر المواد التي تساعد على تفتيح البشرة الزبادي بالليمون.

المكونات:
زبادي.
ليمون.

الطريقة:
• توضع نقطة أو اثنتان من عصير الليمون على الزبادي.
• وضعي الخليط على وجهك لمدة ساعتين إلى أن ينشف هذا المسك ثم اشطفي وجهك بالمياه.

والماسكات دي بتفتح الوجه بصفة عامة،

حاجة كمان أخيرة

فيه بعض أماكن في الجسم بتكون غامقة شوية، زي منطقة أعلى الفخذين أو تحت الإبطين والأسباب في كده:

1- تسمى الالتهابات في هذه المنطقة باسم الإصابة بـ"التينيا" الفخذية، وهو نوع من أنواع الفطريات التي تصيب هذه المنطقة نتيجة لقلة التهوية بهذا المكان، وتكون مصاحبة بحكة شديدة. وذلك يستلزم الذهاب إلى دكتور أمراض جلدية لمعرفة سبب هذا الفطر، والحصول على العلاج.

2- التهاب الجلد نتيجة تكرار الاحتكاك في هذه المنطقة أثناء السير، خاصة الذين يعانون من الوزن الزائد.

3- استخدام مزيلات العرق التي تحتوي على عطور كحولية... لأنها تتفاعل مع الجلد وتؤدي لحدوث التهابات غير محسوسة ومع تكرارها بيحدث اسمرار لمنطقة تحت الإبط...

العلاج..

1- أول حاجة ممكن إنك تعمليها إنك تقومي بزيارة طبيب أمراض جلدية للتأكد من عدم وجود التهابات فطرية في هذه المنطقة.

2- استعمال ملابس داخلية قطنية، لأن الملابس القطنية بتمتص العرق، كذلك احرصي على عدم ارتداء الملابس الضيقة وخشنة الملمس خاصة في الحر.

3- كذلك يمكن استخدام بودرة الأطفال لامتصاص العرق، وتقليل احتكاك جلد الفخذين، أو يمكن وضع بودرة مضادة للفطريات.

4- المداومة على نظافة هذه الأماكن سواء بنزع الشعر أو بالاستحمام.

فيه مناطق تانية بتتأثر زي الركبتين أو منطقة الكوعين ودول ليهم وصفات تانية..

زيت زيتون وليمون..

سخني زيت الزيتون وضعي شوية على قطعة من القطن مع الليمون، ودلكي بها المنطقة السوداء.. مع تكرار هذه العملية ستجدين أن السواد قد بدأ يقل.

كريم الجلسرين....

فيه حاجة تانية ممكن إنك تعمليها، وهي كريم الجلسرين مع الليمون ويدلك بها الأماكن السوداء لمدة أسبوع وسوف ترين النتيجة..

السلام عليكم ورحمة الله وبركاته

ههههههههههه بجد موضوع حميل اوى